I woz
waakin doun di road road
di addah day
when a hear a lickle yout-man say
him seh:
yÃ?'u noh si mi situation
mi donÃ?'t have noh accamadaeshan
mi haffi sign aan at di station
at six in di eveninÃ?'
mi seh mi life got no meaninÃ?'
ah jusÃ?' livinÃ?' widout feelinÃ?'
still
mi haffi mek a raze
kaw mi come af age
an mi want fi goh rave
I woz
waakin doun di road
annadah day
wÃ?'en ah hear annadah yout-man say
him seh:
mi naw wok fi noh pittance
mi naw draw dem assistance
mi use to run a lickle rackit
but wha, di police dem di stap it
an ah had woz to hap it
still
mi haffi mek a raze
kaw mi come af age
an mi want fi goh rave
I woz waakin doun di road
yet annadah day
wÃ?'en ah hear annadah yout-man say
him seh:
mi haffi pick a packit
tek a wallit fram a jackit
mi haffi dhu it real crabit
anÃ?' if a lackit mi haffi pap it
anÃ?' if a safe mi haffi crack it
ar chap it wid mi hatchit
but
mi haffi mek a raze
kaw mi come af age
an mi want fi goh rave